Psalm 47 WLC 1למנצח ׀ לבני־קרח מזמור׃ כל־העמים תקעו־כף הריעו לאלהים בקול רנה׃ 2כי־יהוה עליון נורא מלך גדול על־כל־הארץ׃ 3ידבר עמים תחתינו ולאמים תחת רגלינו׃ 4יבחר־לנו את־נחלתנו את גאון יעקב אשר־אהב סלה׃ 5עלה אלהים בתרועה יהוה בקול שופר׃ 6זמרו אלהים זמרו זמרו למלכנו זמרו׃ 7כי מלך כל־הארץ אלהים זמרו משכיל׃ 8מלך אלהים על־גוים אלהים ישב ׀ על־כסא קדשו׃ 9נדיבי עמים ׀ נאספו עם אלהי אברהם כי לאלהים מגני־ארץ מאד נעלה׃ Hebrew OT: WLC (Consonants Only) For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. Bible Hub |
    |